大家好有冇掛住我呀,我都好耐冇寫xg喇,因為實在太忙喇,今日見有啲時間咪寫下囉嘻嘻,依排都有開心同唔開心嘅事,開心係因為有班好耐冇見嘅中學同學話掛住我喎,想揾我出泥食飯呀,哈哈真係開心死我喇,冇辦法啦我係中學讀緊書嘅時候已經好出名喇,點解???咪因為我個英文名囉太特別喇,而且我又比人感覺成個開心果咁日日都笑,個樣又可愛喎哈哈,所以啲人咪對我特別有印象囉,不過要約食飯真係好難約,因為我返工實在太遠喇,出到去荃灣都要9點幾,放假又忙喎你話點算,唉......不過我一定要揾日同佢地一齊出泥食番一餐飯聚一聚,嘻嘻..............

過幾日我又要食飯喇,係一個月一次嘅華潤堂之夜嘅聚會,我又可以見到我嘅朋友仔喇,其實我地依班人已經各散東西喇,有啲都唔係同一間鋪道做野,所以真係要好珍惜大家係一齊嘅時間,華潤堂有兩個朋友已經正式加入我公司喇,我好開心呀又可以一齊出泥食飯喇哈哈,希望佢地可以比心機咁做落去,我一定會支持你地架................

早半個月前我係網上識咗個朋友仔,啱啱識個陣佢有好多野同我講,我都同佢好好傾,但係唔知點解依排佢好唔想同我講野,好似唔識我咁,唔知係咪我講野得罪咗佢,我有問佢,佢又話冇喎,我覺得佢好怪囉,我都知係網上識唔到一個真正朋友,但係我覺得啱傾咪傾囉,大家又唔會見面嘅,吹下水咪算囉,做咩要逃避我呀,做朋友係咁架,其實唔想同我傾計咪開句口咪得囉,唔洗逃避我掛,我好嬲呀,我真係未見過喱啲人,都唔知佢想點,你唔采我,我都識唔采你啦,啲人真係有病架,你唔當我係朋友我都唔會當佢係你朋友,大家當冇識過,反正又唔係好friend,我大把朋友啦,儍架??????不過我都有啲唔開心架,我未試過比人咁樣對待過,激死我喇............

仲以為返埋今個月我又要離開華潤堂,點知又續多一年約,不過都冇用啦我都唔知可以留幾耐,而且我啲好朋友賢哥,shirley又要調場,好慘呀,估唔到佢地走得快過我,好唔捨得佢地呀,佢地走咗之後我好悶架,又小咗兩個人同我吹水,得番燦燦同儀姐,唉...........本身今晚係去食飯,點知啲人又話唔去,真係好煩呀佢地,次次都係咁,不過算啦可能華潤堂攪咗個歡送會所以佢地唔去啦,好采明姐佢叫埋我去,賢哥仲話送我返屋企,如果唔係都唔知點搭車返屋企,佢地咁夜先食,不過我地以後又唔知幾時再見喇,好難再約埋一齊食飯吹水,唉...........聽日食飯一定要影多啲相留念嘻嘻.........